Përfundon mbledhja e Këshillit Politik, ende s’ka konsensus mes palëve

Ende nuk ka konsensus mes palëve në Këshillin Politik.

Pas mbledhjes së sotme të këshillit, aty ku opozita jashtë parlamentit dërgoi një propozim me 5 pika për OSBE-ODIHR, anëtari i mazhorancës në Këshillin Politik, Damian Gjiknuri, u shpreh se opozita po synon të minojë procesin.

Ai i bëri thirrje opozitës jashtë parlamentit të shkojë në Këshillin Politik me propozime konkrete.

“Kur kishim debate në lidhje me çështje të administrimit zgjedhor, të financimit të partive apo probleme të tjera për të cilat ODIHR kishte rënë dakord për të dhënë asistencë, opozita imponoi standardin dhe parimin se për aq kohë sa kemi debate nuk mund t’i drejtohemi ODIHR. Ne nuk jemi kundër marrjes së opinioneve, po i themi opozitës të vijë me propozime konkrete, në lidhje me nenet e propozuara, për shkak se ka ndryshuar Kushtetuta e Shqipërisë. Ne sollëm propozimin tonë, por propozimet në këshill duhet të vijnë me shkrim. Tentativa si këto janë vetëm për një arsye, për ta minuar këtë proces dhe mbi të gjitha për të bllokuar zbatimin e amendimeve kushtetuese për kodin zgjedhor, por ne nuk do ta lejojmë këtë. Kemi një emergjencë kohore. Ligji duhet të plotësohet me aktet e nevojshme dhe ne do t’i mirëpresim deri në ditën e fundit”, tha Gjiknuri.

LEXO EDHE  Operacioni "Bye Pass"/ Arrestohet ndërtuesi dhe një punonjëse e ARRSH (EMRAT)

Lexo edhe:

Zgjedhorja, PD-LSI i drejtohen ODIHR me 5 pyetje/ Zbardhet letra e plotë