Autoritetet në Kinë: Zbulohen gjurmë të koronavirusit në paketimin e produkteve të detit

Autoritetet në provincën verilindore Jilin të Kinës kanë zbuluar gjurmë të koronavirusit në paketimin e kallamarëve të importuar, sipas autoriteteve shëndetësore. Autoritetet u kanë kërkuar personave që kishin blerë apo ngrënë kallamar të importuar në dyqanin lokal Sanjia Deda nga data 24-31 gusht të kryenin testin për Covid-19.

Doganat kineze deklaruan se do të pezullonin importet nga kompanitë për një javë nëse në produktet ushqimore të ngrira do të zbulonin gjurmë të koronavirusit.

LEXO EDHE  Rusia shton kufizimet kundër përhapjes së koronavirusit

Kina kohët e fundit ka raportuar vetëm 10 raste të importuara me Covid-19 të shtunën. Gjithashtu në gusht, autoritetet lokale në dy qytete kineze thanë se kishin gjetur gjurmë të koronavirusit në ushqimin e ngrirë të importuar.

Por Organizata Botërore e Shëndetësisë kishte deklaruar se nuk kishte prova të përhapjes së Covid-19 nga ushqimi ose paketimi.