Presidenti i klubit të futbollit ‘Apollonia’ Koço Kokëdhima ka akuzuar qeverinë se nuk ka mbajtur premtimin për të financuar futbollin. Në një deklaratë për mediat, Kokëdhima është shprehur se Rama ka hequr dorë nga 12 premtimet që ka bërë për futbollin. Sipas tij futbolli shqiptar lëngon dhe sportistët nuk mund të bëhen të pasur në këtë situatë. Ndërkohë shtoi se tashmë topi është në fushën e Ramës, i cili sipas Kokëdhimës ka refuzuar të financojë futbollin
“Ministria e finanvcave ka qenë gjithmonë kundër kërkesave të ligës. Ministria financave ka qenë një kështjellë buroktarike armiqësore. Kjo është çështje e vullnetit politik. Nëse shumivca ka dëshirë të zgjidhë këtë situatë, këtë përgjegjësi duhet ta marrë kryeministri.
Duhet të kuptoni ndonjëherë. Është gjë e thjeshtë. Do vullnet politik. Nuk duam konfrontime, nuk duam luftë. Ne na duhen që të plotësohen kërkesat minimale që funksionojnë në të gjithë vendet e tjera të evropës dhe ballkanit.
Kryeministri i ka bërë 12 premtime botës së futbollit dhe nuk i ka përmbushur. Topi është në fushën e tyre. Futbolli po lëngon, por jo vetëm ai. Janë të gjitha sportet prioritare të shqipërisë dhe nuk kanë as të sotme dhe as të ardhme. Kjo gjë duhet të bëhet. Por si?
Vetëm duke i plotësuar këto kërkesa ne fillojmë një epokë të re të futbollit.
Kam në pronësi shumicën dërrmuese të aksioneve të Apolonisë dhe dua që ajo të ec në mënyrë të shëndetshme. Jam 1 nga 10 kolegët që ngrem zërin për këtë çështje.
Dua që Apolonia të rris vlerat e lojtarëve të vet dhe të forcojë pozitën e saj në superiore. Ne nuk jemi treg i pasur, dhe nuk i bëjmë dot të pasur futbollistët, por u japim mundësinë që të bëhen të pasur në tregje të tjera”, tha Kokëdhima.
