Policia e Shkodrës ka njoftuar zyrtarisht se ngjarja ku shtetasi Hilë Simoni dhunoi dhe më pas vendosi poshtë makinës një 55-vjeçare ka ndodhur pas një konflikti.
Sipas policisë, 61-vjeçari Hilë Simoni përplasi qëllimisht me makinë 55-vjeçaren Katrina Hila, duke i thyer këmbët.
Gruaja u dërgua në spital për ndihmë mjekësore, ndërsa në pranga u vu autori 61-vjeçar.
Njoftimi i policisë:
Përplas me makine qëllimisht një shtetase, pas një konflikti, falë reagimit të shpejtë të Policisë kapet dhe arrestohet autori i kësaj ngjarje
Nga shërbimet e Komisariatit të Policisë Shkodër falë reagimit të shpejtë, kapet dhe arrestohet në flagrancë në tentative për tu larguar, shtetasi H. S. 61 vjeç, banues në fshatin Guri i Zi, Shkodër
Arrestimi i ketij shtetasi u bë pasi në lagjen Kertollaj, në fshatin Gur i Zi, është kofliktuar me shtetasen K. H. 55 vjeçe banuese në fshatin Guri Zi, Shkodër dhe me pas shtetasi H. S. ka përplasur qëllimisht me mjetin e tij tip “Mitsubishi”, këtë shtetase duke i thyer këmbët, e cila është dërguar për ndihmë mjeksore më të specializuar në Spitalin Traumës Tiranë, dhe ndodhet nën kujdesin e mjekëve.
Automjeti me të cilin ka përplasur shtetasen K. H. u sekuestrua në cilësinë e provës materiale.
Materialet iu referuan Prokurorisë së Rrethit Gjyqësor Shkodër për veprën penale “Plagosja e rëndë me dashje”.
