Një 50-vjeçar, i identifikuar si Hilë Simoni nga Shkodra është arrestuar pasi dhunoi fqinjën e tij 54-vjeçare, të identifikuar si Katrina Hila dhe e përplasi me makinë. Ngjarja ndodhi mëngjesin e sotëm rreth orës 07:30 në njësinë Gur i Zi në Shkodër.
54 vjeçarja ka marrë fraktura të rënda në këmbë kryesisht por edhe pjesë të tjera të trupit dhe është dërguar menjëherë drejt spitalit të traumës për mjekim të specializuar ndërsa ndodhet jashtë rrezikut për jetën.
Debati mes tyre mendohet të ketë nisur nga bashkëshorti i Katrina Hilës me Hilë Simonin. Mëngjesin e sotëm, gruaja po shkonte në kishën e fshatit në mëngjes kur papritur fqinji i doli para dhe e rrahu duke e vendosur para gomave të makinës.
Pas ngjarjes, ka mbërritur policia duke bërë të mundur nxjerrjen nga poshtë makinës të Katrina Hilës dhe më pas arrestimin e 50 vjeçarit Hilë Simoni. /Faxnews/
