Bebe Rexha kapet mat teksa i dhuron puthje të ‘zjarrta’ kinematografit Keyan Safyari

Bebe Rexha po dëshmon se jeta e saj e dashurisë nuk është ‘një rrëmujë’ siç ka kënduar në të kaluarën në këngën “I’m a mess”.

Bukuroshja me origjinë shqiptare konfirmoi të enjten se ajo është në një romancë të re me kinematografin Keyan Safyari ndërsa të dy u fotografuan duke u puthur.

Interpretuesja e hiteve befasoi të dashurin e saj me një udhëtim në një makinë ‘Ferrari’ për të festuar ditëlindjen e tij, shkruan DailyMail.

Bebe Rexha shihej e veshur me një kostum të zi me lëkurë gjarpëri dhe material rrjete, teksa qëndronte në majë të gishtërinjve për të puthur të dashurin e saj të gjatë dhe të pashëm.