Shumë nga lojtarët që kontribuan në titullin kampion të fituar nga Tirana janë larguar nga kryeqyteti.
I fundit është mesfushori Lancinet Sidibe, i cili pasi u largua si kampion nga klubi i Tiranës, ka gjetur menjëherë skuadrën e re.
Futbollisti nga Guinea, u aktivizua si i huazuar te bardheblutë nga skuadra e Besëlidhjas. Kartoni i Sidibe ishte në pronësi të klubit lezhjan, teksa pas arritjes së akordit për ta lenë të lirë, mesfushori u transferua te skuadra qipriotë Ermis Aradipu.
Një hap ky i rëndësishëm në karrierën e 23-vjeçarit, që do të tentojë të lerë gjurmë në elitën e futbollit të Qipros. Ka qenë skuadra e Ermis, që nëpërmjet një njoftimi në faqen zyrtare, ka prezantuar Sidibenë.
