E ardhmja e Luis Suarez nuk është përcaktuar ende. Për momentin nuk është ende e qartë nëse “El Pistolero” do të mbetet në Barcelonë, por uruguaiani dëshiron të mbetet në futbollin cilësor.
Sipas mediave amerikane, sulmuesi ka refuzuar një ofertë faraonike nga Inter Miami i David Beckham që sapo ka rrëmbyer Gonzalo Higuain .
Suarez i ka thënë jo një kontrate 4-vjeçare me 8 milionë në sezon që do ta bënte lojtarin më të paguar në futbollin amerikan.
Pas provimit të gjuhës italiane të kaluar me sukses, Luis Suarez mund të luajë kartën e komunitarit, por ende nuk është e qartë nëse do të arrijë një marrëveshje me Juventus, me këta të fundit që duken më të përqendruar në operacionin Dzeko.
Ndërkohë, nga ana tjetër, Ronald Koeman, trajneri i ri i Barcelonës nuk e ka thirrur ende në skuadër.
