Do shkarkohet nga detyra? Vendimi për Donika Prelën, më 25 Shtator

Vendimi për shkarkimi ose jo nga detyra të Donika Prelës do të njoftohet nga Kolegji i Posaçëm i Apelimit më 25 Shtator, ora 10:00.

Në seancën e kësaj të Premteje në KPA, Komisioneri Publik dhe mbrojtja prezantuan konkluzionet përfundimtare. Komisioneri Publik ritheksoi qëndrimin për shkarkimin nga detyra të Prelës. Sipas tij, provat e reja të paraqitura nga mbrojtja nuk arritën të provojnë të kundërtën e shkaqeve të ankimit.

LEXO EDHE  Parashikimi i motit/ Ja çfarë kohe do të bëjë ditët e fundit të tetorit

Donika Prela u konfirmua në detyrë në shkurt 2019 nga Komisioni i Pavarur i Kualifikimit, pavarësisht problematikave të shumta që nxori në pah seanca dëgjimore.

Në prill 2019, Komisioneri Publik i kërkoi Kolegjit të Posaçëm të Apelimit shkarkimin e saj, duke argumentuar se nuk justifikon një pjesë të pasurisë.

Donika Prela, ish-shefja e Prokurorisë së Krimeve të Rënda, aktualisht është caktuar me detyrë përkohësisht pranë Gjykatës së Tiranës.