Detaje të reja janë zbuluar për atentatin e “të paprekshmit” të Beogradit, i cili po udhëtonte me një BMW X5 që u hodh në erë nga një vrasës me pagesë. Mediat serbe thonë se 30-vjeçari Strahinja Stojanoviç ishte ndjekur për 8 kilometra.
Kamerat e sigurisë filmuan një person që qarkullonte me biçikletë dhe kur automjeti shpërtheu në flakë, bëri një telefonatë për të aktivizuar bombën poshtë mjetit. Policia serbe zbuloi se vrasësi kishte qenë më parë në garazhin ku kishte makinën 30-vjeçari dhe vendosi lëndën plasëse ushtarake P-500.
Ndërkohë pasi i shpërtheu makinën, vrasësi nga Bosnja Hercegovina ia mbathi duke iu drejtuar kufirit për tu larguar nga Serbia.
Në momentin e shpërthimit, Stojanoviç ndodhej në makinë me missin dhe modelen kolumbiane, Sonja Suarez Gomez, e cila pësoi vetëm disa lëndime të lehta. Shpërthimi ishte i tmerrshëm, kishte shumë makina në atë kohë afër X5 që digjej dhe fatmirësisht nuk pati viktima. 30-vjeçari ndodhej në automjet dhe kishte humbur të dyja këmbët, ku pavarësisht dëmeve të shumta, ai arriti të bisedonte me mjekët e ndihmës së shpejtë, por që fatkeqësisht nuk mundi të mbijetonte.
Mediat thonë se “i paprekshmi” ishte pjesë e klanit Saranoviç, të cilët ishin rivalë me Luka Bojoviç dhe lufta mes tyre për 6 vite ka shkaktuar 50 viktima.
DENONCO