FIFA ka publikuar renditjen e kombëtareve për muajin shtator dhe Shqipëria, që fitoi kundër Bjellorusisë dhe humbi ndaj Lituanisë, nuk ka ndryshuar pozicion.
Kuqezinjtë e drejtuar nga Edy Reja mbeten në vendin e 66-të. Kosova ka pësuar rënie, me një pozicion. Barazimi me Moldavinë dhe humbja me Greqinë kanë pasur ndikimin e vet dhe tani Dardanët pozicionohen në vendin e 116-të.
Ndërkohë për sa i përket kombëtaret në krye të klasifikimit, Belgjika mban përsëri vendin e parë dhe ndiqet nga Franca dhe Brazili, kurse në vend të katërt pozicionohet Anglia.
Portugalia ka ngjitur dy shkallë dhe tani ndodhet në vendin e pestë, duke parakaluar Uruguain dhe Kroacinë (zbresin nga vendi i gjashtë në të tetë). Spanja ka ngjitur një pozicion dhe tani është e shtata.
Në vendnumëro Argjentina dhe Kolumbia, që mbyllin dhjetëshen e parë. Vijojnë ngjitjen Italia (12), Holanda (13) dhe Gjermania (14), që në krahasim me muajin e fundit kanë ngjitur nga një vend.
