Një grua është gjetur e pajetë në një rezervuar në Surrel mëngjesin e kësaj të Enjteje.
“Rreth orës 09:00, në Surrel, në një rezervuar, është gjetur e mbytur një shtetase e seksit femër, ende e paidentifikuar. Nga këqyrja paraprake nuk konstatohen shenja dhune”, njoftoi policia.
Grupi hetimor dhe shërbimet e Policisë ndodhen në vendngjarje dhe po punojnë për identifikimin e viktimës dhe zbardhjen e plotë të rrethanave të ngjarjes, shtuan të njëjtat burime.
Në një njoftim të dytë, policia bëri me dije se,“nga veprimet e para hetimore nga specialistët për Hetimin e Krimit në Komisariatin e Policisë Nr.4, u bë identifikimi i viktimës me iniciale E.B., 47 vjeçe, ku dyshohet se vuante nga probleme të shëndetit mendor”.
