Një i moshuar ka humbur jetën në Memaliaj, pasi dyshohet se është asfiksuar. Viktima është Haki Hasimi, 73 vjeç.
“Rreth orës 10:45, njoftohemi se në fshatin Çërrilë, bashkia Memaliaj, shtetasi H. H., 73 vjeç, ka qenë duke djegur disa shkurre në afërsi të ullishtes së tij. Zjarri i ka dal jashtë kontrollit dhe në përpjekje e sipër për të shuar zjarrin, shtetasi Haki Hasimi ka humbur jetën”, bënë me dije burime zyrtare nga policia.
Në vendngjarje ndodhet grupi hetimor dhe po punohet për zbardhjen e rrethanave te ngjarjes, shtuan të njëjtat burime.
