Presidenti Ilir Meta ka reaguar në lidhje me qëndrimin e Këshillit të Europës, ku ky i fundit i ka kërkuar Kuvendit që të heqë dore nga ligji për mediat.
Përmes një postimi në ‘Facebook’, kreu i shtetit theksoi se për këtë çështje duhet të reflektohet sa më parë.
Mes të tjerash Meta pohoi se çdo kokëfortësi, jo vetëm që nuk i shërben çeljes së negociatave, por nuk do të frikësojë askënd.
“Duhet reflektuar sa më parë!
Çdo kokëfortësi, jo vetëm që nuk i shërben çeljes së negociatave, por nuk do të frikësojë askënd. Përkundrazi”,- shkruan Meta.
Projekti i Rilindjes për të miratuar paketën anti-shpifje përmes ndryshimeve jotransparente ka hasur në kundërshti jo vetëm nga organizatat për të drejtat e njeriut, por edhe nga Bashkimi Europian.
Ambasadori i BE-së në Tiranë Luigi Soreca paralajmëroi socialistët në një seri me mesazhe në Twitter të enjten që të ndjekin në tërësi rekomandimet e Opinionit të Komisionit të Venecias nëse duan të bëjnë amendime në ligjin, të cilin socialistët e miratuan dhjetorin e kaluar në kundërshti me këshillat e Bashkimit Europian por që u bllokua më pas nga presidenti Ilir Meta dhe nga Këshilli i Europës. “Çdo amendim në draftine ligjit antishpifje duhet të jentë në përputhje me rekomandimet e bëra nga Komisioni i Venecias mbi këtë çështje,” shkroi Soreca.
“Ne nxisim autoritetet e Shqipërisë të ndërmarrin konsultimet e nevojshme me organizatat e medias dhe shoqërinë civile dhe të marrin parasysh opinionet e shprehura nga organizatat kombëtare dhe ndërkombëtare të medias,” shtoi më tej Soreca.
LEXO EDHE:
Raportuesi për medien në KiE: Parlamenti shqiptar të heqë dorë nga “anti-shpifja”
