Armando Vajushi vazhdon të bëjë paraqitje pozitive me Petrolul Ploiesti në këtë sezon. I transferuar në gjysmën e dytë të sezonit të kaluar te skuadra rumune, Vajushi gjeti golin e tij të dytë në këtë edicion në tre takime të zhvilluara gjithsej.
Sulmuesi shkodran i cili është shndërruar në një lojtar shumë të rëndësishëm për Petrolulin shënoi me penallti në minutën e 49-të, në suksesin e thellë 5-0 që Petrolul mori ndaj Ripensia Timisoara.
Aktualisht Petrolul numëron 6 pikë pas 3 javëve të para dhe pozicionohet në vendin e 4-t të kategorisë së dytë të futbollit rumun. Objektivi i skuadrës ku aktivizohet sulmuesi shqiptar është rikthimi në elitën e futbollit rumun gjatë këtij sezoni.
