Tjetër miqësore për Dinamon, kryeqytetasit sfidojnë klubin e Superiores

Sot, Dinamo do të luajë kundër Skënderbeut, ndeshje e vlefshme si miqësore. Skuadra kryeqytetase duket se është e fiksuar me elitën e kampionatit shqiptar, pasi ditë më parë u ndesh me Partizanin duke humbur me rezultatin 2-1.

Merkato e fuqishme ka rritur optizmin në kampin dinamovit të cilët janë të bindur për rikthimin në Superiore.

Sot, në orën 17:00, në kompleksin “Tropikal” në Durrës, Skënderbeu i Jul Ahmatajt do të presë pikërisht Blutë e kryeqytetit. Të dy trajnerët do të kenë mundësi të shohin gjendjen e futbollistëve të tyre që kanë në dispozicion. Në këtë mënyrë do të vihen pikat mbi “i” sa i përket lojtarëve që do të jenë titullarë në sezonin e ri futbollistik.

LEXO EDHE  Para sfidës me Kukësin, Dinamo prezanton blerjet