Kishin kërkuar azil në vendet e BE-së, riatdhesohen 25 shqiptarë

Njëzetepesë shtetas shqiptarë që kishin kërkuar azil apo kishin shkelur rregullat e qëndrimit në hapësirën Schengen, u riatdhesuan në Rinas ditën e sotme.

“Ky operacion është zhvilluar në bazë të një marrëveshjeje me autoritetet përkatëse të BE-së, me të cilët janë bashkërenduar veprimet. Çdo grup të riatdhesuarish shoqërohet me një eskortë të Policisë shqiptare. Operacione të tilla riatdhesimi do të vijojnë edhe përgjatë muajve shtator, tetor e nëntor”, njoftoi policia.

Policia e Shtetit apelon për të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen, si dhe mos kërkojnë azil, pasi sipas policisë, shanset për ta fituar janë zero.

LEXO EDHE  Covid 19 është Lufta e III Botërore?/ Rusët hedhin dyshime të forta: Shtetet po e përdorin kundër njëra-tjetrës

Në njoftim, thuhet më tej se, Policia Kufitare do të vijojë kontrollet rigoroze në pikat e kalimit kufitar, për dokumentacionin dhe plotësimin e kushteve për të udhëtuar në vendet e BE-së, si dhe do të forcojë kontrollet në kufirin e gjelbër duke shtuar patrullimet.