Në ditën ndërkombëtare të demokracisë, ambasadorja e SHBA në Shqipëri, Yuri Kim ka deklaruar se çdo qytetar ka të drejtë të marrë pjesë në proceset e vetëqeverisjes demokratike.
Kim shprehet se demokracitë janë të përgjegjshme para qytetarëve të tyre dhe respektojnë sundimin e Ligjit, mbrojnë jetën dhe pronën.
Ambasadorja e SHBA-së Yuri Kim ka dalë me një mesazh të qartë për politikën. Mesazhi i saj vjen pas takimit të Këshillit Politik dhe mosdakordësisë nga ana e mazhorancës pë dy kërkesat e opozitës, ato për lista të hapura 100% dhe koalicionet. Kim thekson në mesazh se çdo qytetarë ka të drejtë të marrë pjesë në vetëqeverisjen demokratike.
Mesazhi
Çdo qytetar ka të drejtë të marrë pjesë në proceset e vetëqeverisjes demokratike. Demokracitë janë të përgjegjshme para qytetarëve të tyre. Ata respektojnë Sundimin e Ligjit, mbrojnë jetën dhe pronën, dhe respektojnë liritë, dinjitetin dhe barazinë e çdo personi.
