Dalin pamjet nga vendi i ngjarjes ju u gjet i vdekur 33 vjeçari Klevis Kapllani nga Rrogozhina. Rreth orës 6 të mëngjesit të sotëm në fshatin Sinaballaj të bashkisë Rrogozhinë, është gjetur trupi i pajetë në mjetin e tij i 33 vjeçarit, Klevis Kapllani.
Trupi i pajetë është pikasur fillimisht nga shitësi i qumështit i cili ka njoftuar menjëherë familjarët të cilët kanë njoftuar forcat policore. 33-vjeçari është gjetur pa shenja jete në makinën tip Fiat Punto, ndërkohë që xhami i derës është i thyer, ç’ka mendohet se është goditur nga jashtë me arme zjarri.
Kapllani ka qenë i dënuar në Itali për lëndë narkotike, ndërkohë që banorët shprehen se është djalë i respektuar në zonë. Vrasja ka ndodhur 200 metra larg banesës së Kapllanit, ndërkohë që 33-vjeçari është i martuar dhe baba i një fëmije 2 muajsh.
Grupi i ekspertizës së mbërritur nga Tirana ka kryer të gjitha veprimet proceduriale dhe po punohet për zbardhjen e ngjarjes.
Lexo edhe:
FOTO+EMRI/ Gjendet pa shenja jete në mjetin e tij, dyshohet se është vrarë
