Dy orë ka zgjatur darka në një nga restorantet e Athinës mes Kryeministrit Edi Rama dhe homologut të tij grek, Kyriakos Mitsotakis.
Sikundër raportohet takimi ka trajtuar çështjet e mbetura pezull mes dy vendeve, përfshi edhe atë të kufirit detar.
Asnjë prej palëve nuk ka dhënë detaje për mediat greke, sipas të cilave, për çështjet e dakordësuara më parë do të ketë edhe marrëveshje respektive.
Nuk dihet se kush janë çështjet e dakordësuara dhe nëse Rama me Mitsotakis do të marrin për bazë marrëveshjen e mbyllur mes ish-ministrave të Jashtëm të dy vendeve, Bushatit dhe Kotzias, apo palët do të angazhohen në bisedime të reja.
Raportohet se takimi ka pasur nota pozitive dhe palët janë angazhuar për nënshkrimin e marrëveshjeve respektive, apo sikundër e konsiderojnë “shportën” e problemeve të zgjidhura.
