Policia ka proceduar penalisht 8 nga naftëtarët të cilët protestuan dje para rafinerisë në Ballsh.
Policia sqaron se se kanë thyer urdhrin e Ministrisë së Shëndetësisë mbi masat ndaj pandemisë Covid-19.
”Specialistët për Hetimin e Krimeve në Komisariatin e Policisë Mallakastër, në përfundim të veprimeve të kryera në lidhje me protestën e paligjshme të zhvilluar ditën e djeshme para hyrjes kryesore të Ndërmarjes së Përpunimit të Thellë të Naftës në Ballsh, proceduan penalisht 8 persona për veprën penale ‘Organizimi dhe pjesëmarrja në grumbullime e manifestime të paligjshme'”, njoftoi policia.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale, shtuan të njëjtat burime.
Naftëtarët në Ballsh vijuan dhe sot protestat pasi kërkojnë plotësimin e kushteve të tyre: Shlyerja e pagave të prapambetura dhe nisja e punës sa më parë.
Ndërkohë gjatë ditës së djeshme në qytetin e Ballshit ka patur përplasje mes protestuesve dhe uniformave blu dhe pas kësaj policia ka ushtruar kontrolle në banesa dhe gjatë pasdites ka shoqëruar 15 persona në Komisariat.
Dje, policia hodhi dhe spraj djegës për të shpërndarë protestuesit.
