Sezoni 2020-2021 i Premier League nisi zyrtarisht ditën e shtunë me katër sfida, ku u veçua fitorja 0-3 e Arsenal ndaj Fulhamit dhe triumfi spektakolar i Liverpool-it ndaj Leeds United.
Dita e diel u pasua me dy takime të tjera, Evertoni mposhti Tottenham në transfertë 0-1 ndërsa Leicester dorëzoi pa kushte 0-3 skuadrën e West Brom.
Ndërkohë mbrëmjen e djeshme, ishte radha e Chelsea-t për të bërë ndeshjen debutuese të sezonit teksa përballë kishin Brighton. “Blutë” triumfuan me rezultatin 1-3 teksa protagonist ishte edhe blerja e re Werner i cili fitoi një penallti të shndrruar në gol nga ana e Jorginho-s. Dy golat e radhës për Chelsean u shënuan nga James dhe Zouma.
Skuadrat e vetme që nuk kanë zhvilluar ndeshjen e parë të sezonit janë Man.United dhe Man.City përkatësisht ndaj Burnley dhe Aston Villas.
Rezultatet e javës së parë:
E shtunë:
Fulham-Arsenal 0-3
Crystal Palace- Southhampton 1-0
Liverpool-Leeds 4-3
West Ham-Newcastle 0-3
E diel:
West Brom- Leicester 0-3
Tottenham-Everton 0-1
E hënë:
Sheffield United- Wolves 0-2
Brighton- Chelsea 1-3
