Memphis Depay duket se do të jetë një futbollist i Barcelonës në sezonin e ardhshëm. Ronald Koeman e do në ekip dhe tani raportohet se katalanasit kanë gjetur gjuhën e përbashkët edhe me Lyon.
Sulmuesi anësor ishte bindur prej ditësh nga propozimi i bërë dhe gjatë kësaj jave pritet që ky transferim të zyrtarizohet.
Lyon do të përfitojë nga shitja e sulmuesit 30 milion euro, ndërkohë që holandezi e pret një kontratë e vlefshme deri në mes të vitit 2024.
Koeman e njeh mirë Depay, pasi e ka pasur nën urdhra te kombëtarja holandeze dhe pret ta ndihmojë Barcelonën e tij për arritjen e objektivave.
Një shans I dytë ky për anësorin 26-vjeçar për të treguar vlerat në një klub të madh pas aventurës jo të sukseshme te Manchester United.
