Aktivisti Aulon Kalaja ka shpërndarë pamje nga ndihmat që bashkë me aktivistë të tjerë u ka dhënë banorëve të prekur nga tërmeti i 26 Nëntorit.
Kalaja shpreh shqetësimin se edhe pse po bëhet gati një vit nga tërmeti, shumë familje jetojnë ende në çadra.
“Këto ditë, së bashku me vullnetarët, ishim ne zonat e Bubqit dhe Fushë-Krujës, në ndihmë të banorëve të prekur nga tërmeti. Falenderojmë të gjithë ata shqiptarë që ndihmuan dhe bënë të mundur që të preknim më shumë se 300 familje.
Mjerimi dhe humbja e shpresës se shtëpitë do të ndërtohen, ishte një refren që dëgjohej kudo, tek ata që jetojnë ende në çadër, aty ku nuk bëhet fjalë për distancim fizik.
Realiteti VS propaganda, Bubq shtator 2020”, shkruan Kajala në një postim në FB, ku ka publikuar dhe pamjet.
