Rreth 4500 të burgosur dhe të paraburgosur që presin drejtësinë. Disa prej tyre sipas një inspektimi të thelluar dyshohet se janë punësuar fiktivisht për të korrigjuar sjelljen e tyre por ç’është më e rëndësishme për të lënë sa më shpejt sistemin penitenciar. Në kartelat individuale të të burgosurve përfitues nuk ekziston asnjë dokument mbi kriteret e punësimit dhe puna konkrete që ai ka kryen.
Ky punësim ka sjellë sipas burimeve të Top Channel zbritjen e dënimit 40 ditë për çdo vit si dhe ndërtimin e një profili të ri me sjellje te mirë në qeli.
Mes 12 rasteve të referuara deri më tani në Prokurorinë Elbasanit, Korçës, Krujës , Lezhës dhe Shkodrës radhiten si të punësuar fiktivisht, pa shprehur as një interesin për të punuar dhe me dosje bosh emrat të dënuarish që kanë fituar lirinë.
Në urdhrin e datës 1 shtator të Drejtorit të Përgjithshëm Agim Ismaili, theksohet se nga çështjet e kontrolluara ndaj të dënuarve VIP përfitues të punësimit fiktiv, nuk ekzistojnë në asnjë rast të vetëm dokumente të komisionit të posaçëm që të konfirmojë llojin e punës që ka kryer i dënuari. Ismaili urdhëron rivlerësimin e çdo të dënuari që kërkon të punojë në qeli duke i mohuar çdo të dënuari të përfshire në ngjarje të forta kriminale punësimin që më pas i hap dyert e qelisë.
