PD: Kundër dhunës policore ndaj naftëtarëve, eja protestoni para kryeministrisë!

PD shprehet se dhuna policore ndaj naftëtarëve, të mashtruar disa herë nga qeveria në ikje e Edi Ramës dhe deputetët e tij të Fierit, është e papranueshme.

“Naftëtarët janë në të drejtën e tyre. Kërkojnë shpërblimin që u takon për djersën e tyre”, thuhet në një reagim të ish-deputetit të Partisë Dmeokratike Luan Baçi, pas përplasjeve në protestën e naftëtarëve në Ballsh këtë të Hënë.

“Naftëtarët janë të nëpërkëmbur, janë të vjedhur ndër vite nga klientët e pushtetit, prandaj dhuna policore kundër hallexhinjve që nuk kanë bukë në shtëpi, është dyfish kriminale.  Rafineria e Ballshit është një nga vatrat më të mëdha të korrupsionit të qeberisë dhe kryeministrit në ikje. Ata nuk e zgjidhin dot hallin e naftëtarëve, sepse kanë marrë pjesën e tyre gjigande në kurriz të naftëtarëve dhe pasurisë kombëtare”, vijon më tej PD.

LEXO EDHE  Çifti i shqiptarëve arrestohet në Itali për shpërndarje droge

“I ftoj naftëtarët të protestojnë para bashkisë, para prefekturës, para Ministrisë së Energjitikës, para kryeministrisë, sepse është ky pushtet që e ka rrjepur vit pas viti rafinerinë. Për naftëtarët dhe çdo qytetar ndaj të cilit bëhet padrejtësi, zgjidhja është një dhe e vetme: Largimi i Edi Ramës dhe bandës së tij hajdute në pushtet”, mbyllet reagimi.