Infeksionet me Covid-19 po rriten dita ditës ndërsa numri i të vdekurëve është në ulje. Po të marrim parasysh të dhënat në vende të ndryshme të një dite Gushti (24) si p.sh Italinë infeksionet ishin 1210 ndërsa numri i të vdekurëve 7.
E njëjta gjë ndodh dhe për pjesën tjetër të Evropës: në Britaninë e Madhe për shembull numri i të infektuarëve rritet ndërsa pacientët në kujdesin intesiv është ulur.
Çfarë po ndodh me virusin ? A po ndryshon? A është bërë vërtet më ‘i mirë’ dhe vret më pak?
Studiuesit dhe virologët nga e gjithë bota po përpiqen t’u përgjigjen këtyre pyetjeve, shpesh duke u përplasur dhe në mendime.
Ka nga ata që argumentojnë se trajtimet e përdorura tek pacientët me Covid-19 janë të provuar disa muaj më parë dhe ata që argumentojnë se Covid-19 tani prek të rinjtë të cilët rrallë zhvillojnë komplikime serioze që mund të çojnë në vdekje.
Por në çdo rast të gjithë bien dakort se nuk është koha të heqim dorë nga kujdesi sepse virusi nga natyra është i paparashikueshëm.
“Duket se sëmundja është më pak serioze”: por a është vërtet kështu?
Sipas Alberto Mantovani, drejtori shkencor i Institutit Klinik Humanitas në Milano dhe profesor Emeritus i Universitetit Humanitas, “virusi nuk është më i butë, nuk ka ndryshuar, por sëmundja është ulur gjatë verës”.
Imunologu fton të bëjnë dallimin midis një ndryshimi në virus dhe zbutjes të sëmundjes dy gjëra krejt të ndryshme:
Sëmundja është zbutur për disa arsye- shpjegon imunologu italian- e para është që në cdo rast pneumonia që shkaktohet nga virusi në frymarrje prakitikisht është zhdukur në verë.
E dyta është se ndaj njerëzve të brishtë siç janë të moshuarit ne jemi më të kujdessshëm.
E treta është se të rinjtë janë më të prekurit por ata kanë më shumë imunitetit
Sidoqoftë, do të ishte e gabuar të mendohej se “më e keqja ka mbaruar”, sepse nuk ka prova që virusi po dobësohet.
A është virusi më pak vdekjeprurës? Ndoshta për shkak se “ai humbi një copë”
Sipas hulumtimit, që do të botohet në Journal of Translational Medicine, virusi mund të ketë “humbur një copë” dhe është më pak vdekjeprurës në disa zona të botës.
“Ne kemi ekzaminuar sekuenca të shumta të Sars-Cov-2 nga një bazë e të dhënave në të gjithë botën, të mbledhura nga dhjetori 2019 deri në korrik,” shpjegoi epidemiologu Ciçozzi për Adnkronos Salute.
“Ne kemi zbuluar se po shfaqet një lloj që ka humbur një ‘copë’: gjithashtu kemi zbuluar fshirjen në proteinën nsp1, të implikuar në patogjenezën e virusit. Një ndryshim që mund të ketë ulur vdekshmërinë e tij dhe që mund të shpjegojë numrin e kufizuar të vdekjeve krahasuar me infeksionet që duket se janë të dukshme në zona të caktuara gjeografike “.
“Zbulimi i këtij fshirja është një element interesant – shtoi ai – por unë dua të theksoj se mbetet e rëndësishme të vazhdojmë të respektojmë distancën dhe të përdorim maska për të përmbajtur përhapjen e këtij virusi i cili, siç kemi parë në këto muaj të verës, që po përhapet me lehtësi “.
Virusi tani është “i ri” dhe të rinjtë zakonisht kanë simptoma më pak të rënda
Mosha e të të infektuarëve në këtë periudhë ka rënë përsa i përket moshës deri në 35 vjeç kur në fillim të pandemisë ishte mbi 60 vjeç.
Nuk është rastësi që rritja e infeksioneve javët e fundit është e lidhur ngushtë me kthimin nga pushimet.
Lajmi pozitiv është se të rinjtë në përgjithësi kanë simptoma shumë më pak të rënda, ajo negative është se ata janë ngjitës, me të vërtetë shpërthimet fillojnë kryesisht nga të rinjtë asimptomatikë.
Enrico Buçi, biolog dhe ligjërues në Universitetin Temple në Filadelfia, komenton të dhënat si më poshtë:
” është e vërtetë që të rinjtë rrezikojnë më pak shëndetin e tyre, por ato janë mjete që virusi mund të përdorë për të infektuar subjekte të tjerë në të cilët sëmundja nuk ka një kurs kaq i mirë “.
Giuseppe Ippolito, drejtori shkencor i institutit kombëtar për sëmundjet infektive Lazzaro Spallanzani, shpjegon:
“‘Rinovimi’ i epidemisë në një periudhë afatshkurtër përfshin një rrezik më të ulët të mbingarkesës së shërbimeve shëndetësore. Të rinjtë mund të mos sëmuren ose të kenë simptoma të lehta ”.
