Këshilli i Lartë Gjyqësor vendos në mënyrë unanime pezullimin e gjyqtares së Gjykatës së Apelit Korçë, Mimoza Margjeka, aktualisht nën masë sigurie arrest shtëpie.
Ajo akuzohet për korrupsion. Më konkretisht, sipas SPAK, gjyqtarja ka marrë 6 000 euro për ndryshimin e një mase sigurie.
Në seancën për verifikimin e kushteve të masës së sigurisë, ajo mohoi akuzat.
Lexo edhe:
Sipas prokurorisë, Gjyqtarja e Apelit në Korçë, Mimoza Margjeka, ka ndryshuar masën e sigurisë nga arrest me burg, në garanci pasurore, menjëherë sapo bashkëshorti i saj ka marrë shumën prej 6 mijë euro, nga avokati i të akuzuarit Orion Bali, Skënder Demiraj.
