Gjykata e Posaçme kundër Krimit dhe Korrupsionit ka lënë të pandryshuar masat e sigurisë për të akuzuarit e dosjes së ndryshimit të masës së sigurisë Orion Bali.
Gjyqtarja e Apelit Korçë, Mimoza Margjeka dhe avokati Skënder Demiraj do të vijojnë të jenë në ‘arrest shtëpie” ndërsa Arben Cara, bashkëshorti i gjyqtares dhe Neiton Balin dhe Klaudio Zhilla në arrest me burg.
Sot ishte seanca ku u bë bëhet verifikimi i kushteve të masës së sigurisë.
Sipas prokurorisë, Demiraj akuzohej se i dha 6 mijë euro bashkëshortit të gjyqtares për t’i ndryshuar masën e sigurisë nga arrest me burg në garanci pasurore për Orion Balin.
Në seancë, gjyqtarja Mimoza Margjeka është shprehur në ka dhënë një vendim të drejtë në lidhje me ndryshimin e masës së sigurisë, ndësa ka mohuar akuzat se ka marrë ryshfet. “Ka qenë periudhë pandemie dhe avokati i Orion Balit ka kërkurar garanci pasurore. Referuar situatës kam dhënë vendim për ndryshim të masës. Vendimi im është i drejtë”, ka argumentuar ajo.
Avokatët kundërshtuan masën e sigurisë me pretendimin se nuk është një proces ligjor dhe se ka prapskena politike.
“Vendimi është marrë jashtë gjykatës. Çështja e të arrestuarit është gjykuar tre anëtare po gjykohet një anëtarë. Këtu ka selektivitet”, thanë avokatët për gazetarët, në fund të seancës.
Mimoza Margjeka është gjyqtarja që nuk pranoi të certifikonte mandatin e kryetares së Bashkisë së Durrësit, Valbona Sako, të dalë nga zgjedhjet e 30 Qershorit. Në atë kohë, Mimoza Margjeka e argumentonte vendimin, pasi partia Bindja Demokratike ishte regjistruar përtej afateve ligjore dhe për pasojë fleta e votimit, ku ndodhej edhe kandidatja e Partisë Bindja Demokratike, ishte e pavlefshme. Por vendimi i saj u rrëzua në atë kohë brenda 48 orësh, nga e njëjta gjykatë.
Gjatë shoqërimit të gjyqtares Mimoza Margjeka, nga banesa për në gjykatën e Posaçme, pati momente tensioni.
