Një aksident ka ndodhur në rrugën e vjetër Vlorë-Fier. Sipas informacioneve, makina ka dalë nga rruga dhe një person ka humbur jetën.
Burime për mediat bëjnë me dije se makina ka fluturuar disa metra në rrugë dhe si pasojë e përplasjes së rëndë është dashur ndërhyrja e zjarrfikëses për nxjerrjen e trupit të pajetë.
Vlorë/Informacion paraprak
Rreth ores 19:30, në aksin e vjetër rrugor Panaja–Vlorë, pranë vendit të quajtur “Shamogjin”, një automjet i markës Hundai ka dalë nga rruga.
Si pasojë, drejtuesi i mjetit shtetasi F.H., 55 vjeç, banues në fshatin Mifol, Vlorë, ka ndërruar jetë.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave dhe shkakut të aksidentit.
