Policia Rrugore ka ushtruar kontrolle gjatë orëve të natës lidhur me respektimin e rregullave të qarkullimit, ndërsa ka pezulluar 24 Leje Drejtimi si dhe ka arrestuar 5 drejtues mjetesh.
Aksioni i policisë është zhvilluar prej orës 19:00 të së shtunës dhe ka vijuar deri në orën 01:00 të së dielës, ku me anë të dragerave janë identifikuar mjete që qarkullonin me shpejtësi që varionte nga 136 km/h deri 161 km/h.
Policia përmes një njoftimi në rrjetet sociale bën të ditur se kontrollet kanë vijuar dhe po vijojnë në të gjitha rrugët e kryeqytetit duke përdorur alkool testuesit.
Si rezultat i shkeljeve të evidentuara, u është pezulluar Leja e Drejtimit 10 drejtuesve të automjeteve, të cilët drejtonin mjetet nën ndikimin e alkoolit, në masë që varionte nga 0.25 mg/l deri në 0.45 mg/l
Gjithashtu janë evidentuar dhe arrestuar në kushtet e flagrancës 3 drejtues mjetesh që drejtonin mjetin në gjendje të dehur në masë që varionte nga 0.93 mg/l deri në 0.94 mg/l dhe dy të tjerë që drejtonin mejtin pa Leje Drejtimi
