Juventus i jep “shuplakë” Novarës, Pirlo: Jam këtu për të fituar, Ronaldo gati për një sezon fantastik!

Juventus mundi me rezultatin 5-0 Novarën në ndeshjen e parë miqësore përpara fillimit të sezonit të ri.

Trajneri i bardhezinjve, Andrea Pirlo, foli pas ndeshjes  teksa u shpreh i kënaqur me paraqitjen e lojtarëve të tij.

“Jam i kënaqur, ishte ndeshja e parë me të gjithë lojtarët e gatshëm. Djemtë janë shumë të përqëndruar. Luajtëm me 3 dhe 4 mbrojtës, pasi po mundohemi të gjejmë zgjidhje të ndryshme gjatë lojës. Në pjesën e parë mbrojtja ishte me 4, ndërsa në pjesën e dytë me 3 në bllok.

“Kemi ende dhe një javë për t’u përgatitur për rifillimin e kampionatit.  Djemtë po mësohen me mënyrën e re të punës dhe do të kemi kohë të punojmë, pasi sezoni është i gjatë. Unë jam trajneri i Juventusit dhe të gjithë që vijnë këtu duhet të fitojnë. E di se duhet të fitoj, e njëjta gjë ishte dhe kur isha lojtar.

LEXO EDHE  Juventusi “pa busull”, Barcelona i mposht lehtësisht në shtëpi

“Ronaldo? Ai është mirë. E shfaqi dhe në kombëtaren diçka të tillë dhe është gati për të zhvilluar një sezon fantastik.  Sulmues? Kam nevojë sa më shpejt për të, por merkato vazhdon dhe ka kohë për të punuar”, – tha ai.

Golat për Juventusin u shënuan nga Ronaldo, Ramsey, Demiral ndërsa Manolo Portanova i cili aktivizohet për skuadrën e dytë të bardhezinjve arriti të realizojë një dopietë.