Kirurgu i njohur Sanatoriumit Agron Menzelxhiu, i infektuar me Covid-19, ka humbur jetën ditën e sotme. Menyelxhiu punonte në spitalin “Shefqet Ndroqi”, i kthyer tashmë në një spital “Covid”.
Lajmi është bërë i ditur nga kolegu i tij mjeku Petrit Vargu.
“Agron Menzelxhiu, djali tezes sime! Si na le! Doktori i palodhur që s’ja kurseve ndihmën askujt!
Si mund të ikësh kështu nga Covid vetëm sepse u shtrove në spital për një pathollogji banale!
Mjeku njeriu mire që luftove gjithmonë për jetën e njerëzve!
Lamtumirë babaxhan i mirë që të mirën ia doje të gjithëve!
Askush nuk mund të tjetërsoj, ti do te mbetesh gjithmone ai, ai që të njef i gjithë populli!
Të qoftë dheu i lehte, o banor i ri i xhenetit!”, shkruan mjeku Vargu.
Deri më tani kishin humbur jetën si pasojë e koronavirusit, mjeku i QSUT-së Arjan Pushi, mjeku në spitalin e Pukës Hysni Shkjau dhe mjeku Anibal Byberi, pneumolog në Tropojë.
