Kampionati i Premier League rikthehet me spektakël teksa në ndeshjen Liverpool-Leeds United janë shënuar 5 gola në vetëm 33 minuta lojë.
Skuadra e drejtuar nga Jurgen Klopp ka marrë avantazhin për herë të tretë teksa është barazuar nga miqtë në dy raste.
Të kuqtë kaluan fillimisht në avantazh në minutën e 4-t. Autori i golit ishte Mohamed Salah i cili u tregua i saktë nga pika e bardhë e 11-metërshit.
Kundërpërgjigja e mysafirëve ka ardhur 8-të minuta më vonë teksa për ta shënoi mesfushori Jack Harrison. Të Kuqtë kaluan përsëri në avantazh me mbrojtësin, Van Dijk në minutën e 20-të.
Por surprizat në pjesën e parë nuk do të përfundonin këtu pasi Leeds barazoi përsëri rezultatin në minutën e 30-të ku autor i golit ishte Bamford. Kampionët në fuqi nuk kanë humbur kohë dhe kanë marrë sërish avantazhin me anë të Salah, i cili realizoi në minutën e 33-të duke shënuar golin e tretë për skuadrën dhe të dytin personal.
