Dy vëllezër në Elbasan janë vënë në pranga pasi mbanin armë zjarri në banesë, dhe kanë shkaktuar panik duke shtënë në ajër.
Po ashtu, njoftohet se dy autorët e dyshuar, kundërshtuan me dhunë punonjësit e policisë, por me ndërhyrjen të “Shqiponjave”, u neutralizuan dhe u vunë në pranga.
Të arrestuarit janë S. Z., 36 vjeç dhe M. Z., 34 vjeç, banues në Novoselë.
Nga kontrollet e kryera në banesën e tyre, u gjetën e sekuestruan dy armë zjarri tip pushkë, një pistoletë tip “Zastava” me 4 fishekë, si edhe 1572 copë fishekë, të cilat i posedonin pa leje.
Policia njoftoi se: Shërbimet e Komisariatit të Policisë Kolonjë pas njoftimit të marrë se në fshatin Novoselë, kishte të shtëna me armë zjarri, menjëherë kanë organizuar punën për identifikiminn, kapjen dhe arrestimin e autorëve. Pas veprimeve të shpejta profesionale, policia ka arritur të identifikojë dy autorët e dyshuar të cilët kanë kundërshtuar me dhunë punonjësit e policisë për të mos i shoqëruar në Komisariat. Në këtë kuadër është organizuaur dhe finalizuar operacioni policor i koduar “Novosela”, ku pas ndërhyrjes profesionale të Forcës së Posaçme “Shqiponjat”, në bashkëpunim me shërbimet e Komisariatit të Policisë Kolonjë, u bë kapja dhe prangosja e shtetasve: S. Z., 36 vjeç dhe M. Z., 34 vjeç, (vëllezër), banues në Novoselë.
Gjithashtu këta shtetas, kanë kundërshtuar punonjësit e policisë, në momentin kur forcat do të ushtronin kontroll në banesën e tyre, ku konkretisht u gjetën e sekuestruan në cilësinë e provës materiale dy armë zjarri tip pushkë, një pistoletë tip “Zastava” me 4 fishekë, si edhe 1572 copë fishekë, të cilat i posedonin pa leje. Nga veprimet hetimore rezultoi se dy shtetasit e mësipërm, kanë qëlluar me armë zjarri në ajër duke prishur qetësinë publike, ku si pasojë e të shtënave një predhë ka rënë në banesën e shtetasit Q. B., pa shkaktuar dëme.
Materialet i kaluan Prokurorisë të Rrethit Gjyqësor Korçë për veprat penale “Armëmbajtja pa leje”, “Kundërshtimi i punonjësit të policisë së rendit publik” dhe “Prishja e qetësisë publike”.
https://www.facebook.com/policiashtetitshqiptar/videos/2857100054576347/?epa=SEARCH_BOX
