Dueli Liverpool-Leeds, rezultoi të ishte një ndeshje klasike e futbollit anglez. Ndeshja u mbyll me fitoren e të kuqve me rezultatin 4-3 ndërsa Leeds bëri rezistencë të madhe deri në minutat e fundit.
Salah zhbllokoi shifrat që në minutën e katërt me penallti, ndërsa Harrison barazoi në të 12-ën për Leeds. Van Dijk riktheu Liverpoolin në avantazh në minutën e 20-të, para se Bamford të barazonte 10 minuta më vonë.
Tre minuta më pas, në minutën e 33-të, Salah çoi shifrat në 3-2, me një supergol me të majtën. Klich barazoi për Leeds në të 68-ën minutë, ndërsa goli i fitores, u shënua nga Salah me penallti, në minutat e fundit.
