Klubet e Kategorisë Superiore vazhdojnë të jenë aktive në merkaton e transferimeve duke konfirmuar afrime të reja.
Kështu Teuta dhe Kukësi kanë zyrtarizuar dy lojtarë të rinj. Durrsakët kanë bërë një afrim shumë të goditur në mbrojtje, pasi kanë firmosur me Denis Pjeshken. Mbrojtësi ishte i lirë që pas largimit nga Flamurtari dhe firmosi me ekipin e trajnerit Edi Martini.
Nga ana tjetër, Kukësi ka rikthyer në ekip Altin Bytyçin, mbrojtësin e ri që është pjesë e Kosovës U19. Pas eksperiencave me Laçin, Besën e Pejës dhe një aventure në Kroaci, ai rikthehet në Superiore dhe me verilindorët ka nënshkruar për tre vite.
Bytyçi është një prodhim i akademisë së verilindorëve, duke qenë pjesë e ekipit të moshave.
