Bayern Munich mbylli një sezon të jashtëzakonshëm teksa fituan gjithçka në edicionin 2019-2020. Gjigandët bavarezë u shpallën kampionë të Bundesligës, Kupës së Gjermanisë dhe Ligës së Kampioneve duke dominuar me lojë dhe rezultat.
Ndërkohë Bundesliga tashmë po bëhet gati për sezonin e ri e cila starton më 18 shtator. Bayern Munich është favorite edhe këtë sezon, ndërsa Borussia Dortmund pritet të jetë rivali më i afërt.
Skuadra e drejtuar nga, Hans-Dieter Flick, ka detyrën e vështirë për të mbrojtur trofetë e fituar dhe për ta bërë diçka të tillë klubi ka ndërhyrë në merkato. Afrimi më i bujshëm është ai i Leroy Sane nga Manchester City për 45 milionë euro.
Talenti gjerman vjen nga një dëmtim i rëndë por cilësitë e tij janë të padiskutueshme dhe pritet të jetë një vlerë e shtuar për Bayernin. Skuadra gjermane ka përforcuar edhe portën teksa kanë nënshkruar me portierin Schalke 04, Alexander Nubel, i cili pritet t’i bëjë një konkurrencë të fortë titullarit Neuer.
Afrime të tjera për kampionët të Bundesligës, janë edhe mbrojtësi Tanguy Nianzou dhe Joshua Zirkzee. I pari vjen nga radhët e PSG-së ndërsa i fundit nga skuadra e dytë e Bayernit.
Ndërkaq të larguarit janë tre. Bëhet fjalë për talentet Lars Lukas Mai dhe Christian Fruchtl të cilët janë huazuar ndërsa Coutinho është rikthyer te Barcelona
