Ambasada e Republikës së Shqipërisë në Athinë njoftoi sot se kanë mbërritur Pasaportat dhe Kartat e Identitetit për aplikimet e kryera deri në datën 21 gusht 2020.
Në një njoftim për shtyp, ambasada sqaron se “për tërheqjen e dokumenteve biometrikë ekzistojnë dy mënyra nëpërmjet paraqitjes personalisht në sportelin e shpërndarjes, e cila kryhet pranë Hyrjes Nr. 1 të Ambasadës, nga dita e hënë deri të premten, ora 08:00-18:00 dhe nëpërmjet shërbimit postar (vetëm për pasaportën dhe vetëm për aplikantët rezidentë jashtë rrethit të Atikës), i cili kryhet në bazë të kërkesës suaj dërguar në adresën e postës sonë elektronike [email protected], ku të jenë përcaktuar saktësisht të dhënat si emër, mbiemër, adresa e saktë e banimit, kodi postar, numri i celularit, foto e kuponit të aplikimit”.
Ambasada bën të ditur se “për tërheqjen e kartës së identitetit është e detyrueshme paraqitja fizike në Ambasadë”.
