Banorët e zonës së njohur si ish-qyteti i nxënësve në Tiranë protestuan sot para godinës së UKT-së.
“Duam ujë”, “Turp”, ishin thirrjet e banorëve, që kërkojnë një zgjidhje për mungesën e ujit në banesat e tyre.
Ata shprehen se bashkia nuk i ka dhënë zgjidhje këtij problemi madje është shprehur se është problem i ndërtuesit.
Janë rreth 1200 banorë të cilët vuajnë nga mungesa e ujit, kryesisht në muajt e verës.
Edhe pse Kryebashkiaku Erion Veliaj ka rritur tarifat për ujin dhe sot qytetarët paguajnë pothuajse dy herë më shumë, sërisht nuk ka gjetur zgjidhje furnizimi me ujë të pijshëm për banorët.
Denoncimet e vazhdueshme të qytetarëve në jo pak raste kanë rrëzuar propogandën e Erion Veliajt, i cili shfaqet si njeriu i punës, por që nuk siguron dhe nuk u jep zgjidhje problemeve të qytetarëve.
