Kolegji i Posaçëm i Apelimit ka vendosur që më 18 shtator të njoftojë vendimin për shkarkimin ose jo të prokurores Donika Prela.
Në seancën e kësaj të Premteje në KPA, Donika Prela nuk ishte e pranishme. Avokatja sqaroi se prokurorja mungon për shkak se një familjar i saji është i sëmurë. Më tej, mbajti qëndrim lidhur me argumentet e Komisionerit Publik.
Donika Prela u konfirmua në detyrë në shkurt 2019 nga Komisioni i Pavarur i Kualifikimit, pavarësisht problematikave të shumta që nxori në pah seanca dëgjimore.
Në prill 2019, Komisioneri Publik i kërkoi Kolegjit të Posaçëm të Apelimit shkarkimin e saj, duke argumentuar se nuk justifikon një pjesë të pasurisë.
Donika Prela, ish-shefja e Prokurorisë së Krimeve të Rënda, aktualisht është caktuar me detyrë përkohësisht pranë Gjykatës së Tiranës.
