Trashëgimia e Johan Cruyff në futboll nuk mund të anashkalohet.
Ish-lojtari dhe trajneri i Ajax dhe Barcelonës patën një ndikim të madh në karrierën e disa prej trajnerëve më të mirë në këtë sport sot.
Shefi i ri i Barcelonës, Ronald Koeman është vetëm një nga dishepujt të Cruyff që kanë mbajtur pozicione të rëndësishme në elitën e futbollit.
Ronald Koeman
Rrugët e Cruyff dhe Koeman u kryqëzuan për herë të parë te Ajax në vitin 1985 para se çifti të ribashkoheshin te Barcelona në 1989.
Të dy Hollandezët arritën gjëra të mëdha së bashku në Camp Nou para se Koeman të largohej për t’u bashkuar me Feyenoord në 1995.
Pep Guardiola
Ndoshta rasti më i qartë i ndikimit të Cruyff te ish-lojtarët e tij është karriera e Guardiolas si trajner.
Bosi aktual i Manchester City ka luajtur nën udhëheqjen e Cruyff si trajner për gjashtë vjet te Barcelona dhe më pas si trajner është bazuar në filozofinë e Cruyff.
Frank Rijkaard
Para se të bëhej trajneri kryesor i Barcelonës, Rijkaard mësoi shumë duke luajtur për Cruyff te Ajax midis 1985 dhe 1987.
Marco van Basten
Ashtu si Rijkaard, Van Basten punoi nën Cruyff te Ajax në vitet 1980 dhe do të vazhdonte më gjurmët e tij në klubin e Amsterdamit.
Ernesto Valverde
Valverde arriti në Camp Nou si pjesë e revolucionit të Cruyff në 1988 dhe do të qëndronte për dy vjet para se të nisej për te Athletic Club.
Ish-anësori bask më pas do të vazhdonte të trajnonte si Athletic ashtu edhe Barcelonën.
Eusebio Sacristan
Nga 1988 deri në 1995, Eusebio formoi një pjesë të Dream Team të Cruyff te Barcelona dhe do të shkonte për të trajnuar ekipin B në klubin katalanas, si dhe do të punonte nën Rijkaard në ekipin e parë.
Jose Mari Bakero
Një ushtar i Cruyff gjatë kohës së tij në krye të klubit Blaugrana, mesfushori Bakero gjatë karrierës së tij si trajner mori stolin drejtues të Real Sociedad midis disa klubeve të tjera më pak të njohura.
Sergi Barjuan
Ish-mbrojtësi i majtë ishte te Barcelona gjatë tre viteve të fundit të Cruyff në krye dhe ka krijuar një karrierë si trajner me Almeria dhe Real Mallorca midis ekipeve të tjera.
Michael Laudrup
Danezi ishte një lojtar kryesor për Cruyff midis 1989 dhe 1994 te Barcelona dhe ka qenë trajner i Getafe dhe Mallorca në Spanjë.
Hristo Stoichkov
Sulmuesi legjendar bullgar i cili luajti për shumë vite për Cruyff në Camp Nou, në karrierën e tij si trajner ka drejtuar Bullgarinë dhe CSKA e Moskës.
