Në prag të hapjes së vitit të ri shkollor, në Libohovë, konfirmohet i prekur me Covid-19 një mësues.
Burime pranë Drejtorisë së Shëndetit Publik në Gjirokastër, bënë me dije se janë marrë 27 mostra nga kontaktet e mësuesit të konfirmuar pozitiv me koronavirus, pas kryerjes së tamponit.
Ministria e Arsimit ka njoftuar se shkollat do të hapen duke respektuar masat për parandalimin e përhapjes së Covid-19. Ndërkohë, këtë të Premte, kryeopozitari Lulzim Basha propozoi testimin e të gjithë mësuesve, para rihapjes së shkollave.
Sipas të dhënave të fundit të Ministrisë së Shëndetësisë, numri i të prekurve aktivë ne vend është rritur në 4 190. Tirana, Durrësi e Shkodra janë tre qarqet me numrin më të lartë të personave që aktualisht po përballen me sëmundjen.
