Ditën e sotme luhet ndeshja hapëse e javës së 3-të të Ligue 1 në Francë. Bordeaux pret në shtëpi Olympique Lyon që sezonin e kaluar nuk arriti të siguronte pjesëmarrjen në kompeticionet europiane për shkak të ndërprerjes së kampionatit.
Dembele me shokë e fituan me rezultatin e thellë 4-1 ndeshjen e javës së parë ndaj Dijon dhe do të kërkojnë të bëjnë të njëjtën gjë edhe përballë Bordeaux, edhe pse këtë herë misioni është shumë më i vështirë pasi skuadra e trajnerit Gasset e ka nisur mirë kampionatin duke grumbulluar 4 pikë në dy javët e para.
Lyoni nga ana tjetër në këtë sezon synon të zërë një nga 3 vendet e para në kampionat dhe kjo është një arsye e fortë për të kërkuar maksimumin në çdo ndeshje.
