Tjetër zyrtarizim te Tirana. Pas Ibrahim Sulley, bardheblutë kanë prezantuar edhe Isaac Gyamfi, 20-vjeçarin nga Gana, i cili luan në rolin e qendërmesfushorit (numëron 4 aktivizme me Ganën U-17).
Afrikani ka zbarkuar në Shqipëri dhe ka firmosur kontratën me 25 herë kampionët e Shqipërisë. “Klubi i Futbollit Tirana, njofton afrimin e lojtarit Isaac Gyamfi. Mesfushori qendror ka arritur dakordësinë me presidentin Halili dhe është tashmë pjesë e bardhebluve për sezonin e ri.
Menjëherë pas nënshkrimit të kontratës, 20-vjecari do të vihet nën urdhrat e trajnerit Egbo, duke u stërvitur bashkë me skuadrën“, shkruajnë bardheblutë në faqen zyrtare.
Ndërkohë për sa i përket 19-vjeçarit Sulley, mesfushori me tipare sulmuese, është pjesë e përfaqësueses së kombëtares U20 ne Gana dhe vjen si një përforcim i mirë për skuadrën. Sulley do të stërvitet sot me pjesën tjetër të ekipit.
