Supermodelja braziliane Gisele Bundchen ka qenë një nga modelet më të paguara në botë për gati dy dekada dhe duket sikur jeta e saj është perfekte. Por Gisele na ka zbuluar të kundërtën, teksa foli për luftën e saj me ankthin.
Bukuroshja braziliane rrëfeu përvojën e saj me sulmet e panikut në një postim në Instagram, ku shkroi: “Nga përvoja ime personale mësova se asgjë nuk është e përhershme. Ndonjëherë, mendimet se ndjenjat e këqija do të zhduken, mund të funksionojë si një dritë shprese.”
Ish-ylli i i Victoria’s Secret rrëfeu se ankthi mund të të “konsumojë” si njeri dhe për të shpëtuar duhet mbështetje.
“Ankthi mund të të konsumojnë të tërën dhe ndonjëherë kemi nevojë për mbështetje për të hequr këtë shqetësim,”- tregoi 40-vjeçarja.
Modelja rrëfeu se kërkoi ndihmë për tu përballur me sulmet e panikut.
‘Në momente si këto, familja, miqtë dhe specialistët mund të ndihmojnë,”– tregoi ajo. “Gjëja më e rëndësishme është të largoheni nga plogështia dhe të kërkoni alternativa. Jeta është dhurata jonë më e madhe dhe çdo ditë ia vlen.”
