Kryetari i LZHK, Dashamir Shehi, aleat i PD, deklaroi në emisionin “Çim Peka LIVE” se opozita duhet të dalë bashkë në zgjedhje.
Duke komentuar disa lajme të pakonfirmuara se Ilir Meta do lërë Presidencën për të marrë post të lartë në ekzekutiv pas zgjedhjeve të 25 prillit, Shehi tha se “Meta, nëse ka diçka në mendje, nuk e nxjerr. Të mos merremi me hipoteza”.
“Unë gjykoj se do të hyjmë në zgjedhje si aleatë. Gjykoj se më e rëndësishme në këtë fazë është që të largojmë Rilindjen dhe Ramën. Ne i maksimalizojmë votat si aleancë.
Nuk e quaj harakiri që të dalësh vetë në zgjedhje, por unë kërkoj transparencë”, tha ai.
Shehi u shpreh se mund të puqemi edhe pas zgjedhjeve, por jam i bindur 99 përqind që do shkojmë bashkë.
