Ish-komandanti i Forcave Detare, Vladimir Beja, e ka të cilësuar të papranueshme deklaratën e Kryeministrit grek për zgjerimin me 12 milje të ujrave territoriale të Greqisë.
Në emisionin “Open”, Beja tha se Greqisë i intereson ky zgjerim, pasi ka me qindra ishuj, ndërsa Shqipëria ka vetëm 1 ishull.
Beja u shpreh se nëse do të arrihej marrëveshja e re, Kanali Korfuzit do të ndahej mes për mes.
“Marrëveshja e vjetër nuk ekziston, ne kemi vendimin Gjykatës Kushtetuese dh e përpjekjet për një marrëveshje të re me Greqinë. E drejta e shteteve për të patur dete territorial filloi që në shekullin e XVI. Problematika jonë, ne i kemi kufijtë detar të dhëna me hipotekë nga Fuqitë e Mëdha. Shqipëria e ka bërë ndarjen e detit territorial me Italinë pas Konventës Ndërkombëtare.
Në rastin me Greqinë kemi rastin e veçantë që duhet ta ripërcaktonjë kufirin territorial. Kanali i Korfuzit do të ndahet mes për mes. Ne kemi dy pjesë, kemi kanalin e Korfuzin dhe pjesën në veri. Ndarja e kanalit të Korfuzit mes për mes, mund të ndahet edhe në mënyrë matematikore. Vështirësia është ndarja në veri të kanalit të Korfuzit dh raporti që ka kontinenti me ishujt. Kërkesa e palës greke, në mes të bisedimeve, nga 6 milje në 12 milje, është prepotencë dhe arrogancë”, u shpreh Beja.
Beja tha se kriteret që duhen zbatuar në rastin Greqi-Itali, duhen zbatuar edhe në rastin me Shqipërinë.
“Greqia nuk mund të kërkojë nga 6 në 12 milje, pasi është ndryshim i rregullave të lojës. Kjo e pengon atë të marrë pjesë në takimin tresh Itali-Greqi-Shqipëri. Nëse Greqia insiston në 12 milje përfiton në kurrizin e Shqipërisë, kjo është e gjitha”, tha Beja.
Ish-komandanti i Flotës Detare pati një debat të fortë me kreun e PBDNJ, Vangjel Dule, për të cilin tha se i shënrben shumë mirë vendit të tij, por jo Shqipërisë.
Pjesë nga debati:
Beja: Unë e kuptoj që zoti Dule ka njohuri dhe e kuptoj shumë mirë që ai i shërben interesave të shtetit të tij dhe jo vendit tim.
Dule: Updetoje kasetën pak se të ka ngelur mrapa. Mos më sillni reminishencat e sistemit komunist. Ky mentalitet ottoman krijon përçarje. Mos u mbështesni nga këto mendime.
Beja: Sa votues ka ishulli Fanos zoti Dule? Ti nuk nxefesh kollaj.
Dule: Ja, këta janë specialistët. Sipas konventës të ishullit shkëmbor kanë të drejtë të marrin 12 milje, ju sfidoj.
