Shqipëria U-21 luan në orën 19:00 në stadiumin “Elbasan Arena” ndaj Andorrës. Skuadra e drejtuar nga Alban Bushi do të kërkojë fitoren e dytë radhazi pas fitores së thellë ndaj Austrisë.
Pavarësisht se disa prej futbollistëve ia mori Edi Reja për në skuadrën e parë, trajneri Alban Bushi ka në organikë emra mjaft cilësorë dhe me të ardhme, një pjesë e të cilëve stërviten e luajnë në ekipe me emër në Europë.
Ndërkohë për ndeshjen e sotme, Bushi, pritet të bëjë disa ndryshime në formacion. Nga minuta e parë pritet ta fillojnë emra si Çokaj, i ardhur vetëm dje në grumbullim, Lorenzo Vila, Muçi që shënoi dy herë në Austri dhe ndoshta edhe Dobra.
Formacioni i mundshëm:
- Selmani; Bajrami, A. Selmani, Pëllumbi, Marku; Çelhaka, Çokaj, Kallaku; Vila, Muçi, Dobra
