Ish-zonja e parë Mishel Obama pranoi se kishte “momente kur ajo donte të hidhte burrin e saj nga dritarja”, por shtoi se pavarësisht luhatjeve, të dy kanë një martesë shumë të qëndrueshme.
Mishel, 56 vjeçe, u tha çifteve të reja në podcastin e saj, se komunikimi ekskluziv përmes rrjeteve sociale nuk është rruga për një marrëdhënie afatgjatë.
Mishel dhe burri i saj Barak do të festojnë 28-vjetorin e martesës më 3 tetor, nga e cila kanë dy vajza.
Ajo e krahasoi zgjedhjen e një burri ose gruaje me zgjedhjen e një lojtari për një ekip basketbolli: “Unë u martova me versionin tim të LeBron (James)”.
“Nëse e shikojmë martesën si një ekip, ju doni që shoku juaj i skuadrës të jetë fituesi. Ju dëshironi LeBron,” tha ajo, duke shtuar se kishte “momente kur ajo donte që Barakun ta hidhte nga dritarja, dhe unë e them këtë, sepse ju duhet ta dini, pasi emocionet do të jenë të forta”.
“Por kjo nuk do të thotë që ju duhet të hiqni dorë. Dhe ato periudha mund të zgjasin shumë. Ato mund të zgjasin me vite,” tha Mishel.
Ajo shkroi në llogarinë e saj në Instagram të dielën se martesa “kërkon shumë punë, ndershmëri, si me veten ashtu edhe me partnerin”.
Duke iu drejtuar 42 milion ndjekësve të saj, Mishel mori më shumë se dy milion “pëlqime” për mesazhet që shkroi.
